Wie funktionierts?

Mach de Test und find use, welle Kafi zu Dir persönlich passt

De richtigi Kafi gfunde? D Box startet scho ab 14.90 und isch jederzyt chündbar.

Du bechunsch nach Dim Wunsch Dini KafiBox vord Hustüre glieferet

Uf Dim Nutzerprofil chasch Du Änderige a Dim Abo vorneh, z.B en andere Kafi ussueche.

S Abo vo KafiZyt.ch isch so individuell wie Du's bisch. Es gitt zwei grundlegendi Möglichkeite:
Im flexible Modäll chasch du dis Abo beliebig lang ha. Du chasch au wenn immer du dis Abo nümme willsch ohni Chündigungsfrischt oder komischi Verträg sofort chündige.
Denn gitts na d Testbox. Du bechunnsch ei Mal Kafi und that's it. Keis Abo, nur en Kafilieferig Defür isch die Box au es bitzeli türer als s flexible Modäll.

Aber am eifachschste machsch doch eifach rasch din Kafityp Test und denn gsehsch alles inere tolle Übersicht.

Mir vo KafiZyt.ch gäbed eusne Chunde nur die besti Qualität. Eusi Kafisortene beziehnd mir darum usere Schwiizer Grossrösterei wo eus die erforderliche Mängene liefere chönnd. De Name vo dere Rösterei isch euses chline Gheimniss. Uf Ahfrag düend mir aber natürli gärn verrate, wer mit eus zämeschaffet.

Die Wält brucht nöd na meh Abfall wo ned chan wiederverwärtet wärde. Für das stöhnd mir ih. Darum isch die ganz Box mitsamt ihrem Inhalt zu 100% recyclebar, zum Teil sogar biologisch abbaubar, also kompostierbar. Mit jedere Box bechunnsch zuesätzlich en Recyclingsahleitig wod chasch befolge.

Mir hännd lang ade perfekte Mängi für ei Lieferig gschaffet. Debi usecho isch es Paket voll mit de beste Bohne wo mindischtens für 30 Kafis längt. Dadebi hämmer d Barista-Grundlag gnoh dass de perfekti Kafi ca. 8 Gramm gmahlni Bohne enthaltet. Wie wiit das sones Päckli bi dir langet und na viel meh findsch du use idemm dass du din persönliche Kafi-Test machsch!

Guete Tag!
Ich bi de Emanuel Graf, 24 und studiere Wirtschafts­informatik ade FHNW z'Basel. KafiZyt.ch isch min chline Schütz­ling won ich ellei ufd Bei gstellt han und jetzt probiere zumene profitable Unter­nähme z'verwandle. Alli Bilder sind vo Hand bearbeitet, jede Text uf dere Site und ide Boxe isch vo mir durchdacht, gschribe und program­miert worde. Probier's doch us und lueg chli dur mini Website, ahluege chostet nüt.
Ich hoffe, Du häsch genau soviel freud dra wien ich!

Mit liebe Grüess
Emanuel Graf