S Abo vo KafiZyt.ch isch so individuell wie Du's bisch. Es gitt zwei grundlegendi Möglichkeite:
Im flexible Modäll chasch du dis Abo beliebig lang ha. Du chasch au wenn immer du dis Abo nümme willsch ohni Chündigungsfrischt oder komischi Verträg sofort chündige.
Denn gitts na d Testbox. Du bechunnsch ei Mal en Uswahl an Kafi us eusem Shop und that's it. Keis Abo, nur en Kafilieferig Defür isch die Box au es bitzeli türer als s flexible Modäll.

Mir vo KafiZyt.ch gäbed eusne Chunde nur die besti Qualität. Eusi Kafisortene beziehnd mir darum us lokale Schwiizer Röstereie. De Name vo dere Rösterei isch immer deklariert, wie au d Herkunft vode Kafibohne. Mir lueged uf Transparenz uf allne Ebene und wännd, dass alli Beteiligte vo demm Kafi profitiered: Vode Pflanze bis i Ihri Tasse.

Die Wält brucht nöd na meh Abfall wo ned chan wiederverwärtet wärde. Für das stöhnd mir ih. Darum isch die ganz Box mitsamt ihrem Inhalt zu 100% recyclebar, zum Teil sogar biologisch abbaubar, also kompostierbar.

I jedere Lieferig vomene KafiZyt.ch Abo sind 200 Gramm Bohnekafi enthalte, damit du immer frischi Bohne bechunnsch. Je nach demm wie viel Kafi du trinksch chasch du bi eus zwüsched 2 Wuche-, Monets- oder 6 Wuche-Lieferige uswähle.